Bigarren saioko aurkezpenen sintesia

Saio honetan beste sei taldeek egindako ahozkoen laburpen bat egingo dugu.

Lehenengoari dagokionez, Gerra Zibilaren eta Frankismoaren inguruan hitz egin zuen. Bertan, garai hartako historia eta hezkuntzaren egoera (hezkuntza legeak, irakasleen garbiketa) azaldu zuten. Hori gutxi balitz, garai hartako analfabetismoaren aurkako jarrera ere agerian utzi zuten.

Bigarren taldeak, aldiz, demokrazia garaiko zazpi legeei buruzko azalpena eman zuen. LGE, LOECE, LODE, LOGSE... ziren lege hauetako batzuk, non ekarpen garrantzitsuena hauxe izan zen: derrigorrezko hezkuntza 12 urtetatik 16 urtetara luzatzea.

Lege hauek sakonki azaldu ondoren, hirugarren taldeak LOMCE legea, orain arte proiektu bat besterik ez zena, azaldu zuen. Hasteko LOE eta LOMCEren arteko desberdintasunak azpimarratu zituzten. Era honetan oso garbi gelditu zen bi lege hauen arteko aldea. Hori gutxi balitz, Espainiako hezkuntza kalitatearen beherakadaren berri ere eman zuten.

Ondoren, laugarren taldeak, “hezkuntza sistema historian zehar” gaiari buruz jardun zuen. Talde honi esker, aurreko egunean egindako azalpenak argi eta garbi gelditu zitzaizkigun, dena oso labur eta behar bezala azaldu baitzuten.

Bosgarren taldeak, aldiz, erreformei buruz hitz egin zuen. Bertan, erreformek hainbat arlotan eragiten dutela argitu zuten: eskola funtzioetan, hezkuntza sistema prozesuaren moldaketan, ingurunean (eskola moldatu egin behar da, herriaren araberako hezkuntza), hezkuntzan (lan merkatuen eskaeretara egokitu)...

Azken taldeak, Hezkuntza Sistema Paulo Freireren ikuspuntutik azaldu zuen. Talde honek azaldu zuena ikusteko sakatu hemen.