Zeintzuk dira taldean lan egiteak ekartzen dituen onurak?

Lanak modu askotara egin daitezkeela ikasi dugu bizitzan zehar: bakarkako lanak eta taldekako lanak daudela, alegia. Taldekako lanen barruan ere, lan egiteko modu asko eta asko daude. Horietako bat da gaur egin duguna, talde lana hain zuzen ere. Lan hau egiteko erabili dugun metodoa hauxe izan da: lehenik eta behin, bakoitzak (indibidualki) bere testua irakurri du eta, ondoren, taldeka jarri eta ideiak partekatu ditugu, taldekide bakoitzak aukeratutako esaldi edo paragrafoaren aukeraketaren arrazoia adieraziz.

Hori egin ondoren, gelakide guztien artean bakoitzak aukeratutako esaldi edo paragrafoen arteko sintesia egin dugu. Era horretara, gelakide guztiek izan dute denen iritziak entzun eta partekatzeko aukera paregabea. Hori egitean, bakoitzak bere ideia azaldu duenean, gainerakoen iritzi eta ikuspuntuarekin, adostasun batera iritsi gara, denek dena ulertzeko moduko azalpenak eginez.

Horrez gain, lan hauek baliagarriak direla esango genuke, batez ere Haur Hezkuntzan lan egiteko interesgarriak diren aspektu edo edukiak bereganatzeko balio digutelako.

Hori guztia esanda, lan egiteko modu hau aberasgarria iruditzen zaigula aipatu beharra daukagu. Izan ere, bakoitzak berea egin eta arreta bere gauzetan soilik mantendu beharrean, denen arteko laguntzarekin elkarlana bultzatzen dugu, oso modu interesgarri eta ikasterrazean.